Sumir fæðast með meira hár en aðrir en hjá fæstum er það svo mikið að hárið sést í sónar. Svo var reyndar raunin hjá Óliveri litla, sem fæddist í Idaho í Bandaríkjunum, á síðasta ári.

Í dag er hann 5 mánaða. Auk þess sem hann hefur ekkert misst af fæðingarhárinu hefur hárið vaxið nokkuð frá því að hann kom í heiminn. Hann skartar því miklum hármakka, foreldrum sínum og ættingjum til mikillar gleði. Allir eru sammála um að hann sé óvenju krúttlegur fyrir kornabarn sökum hárvaxtarins.

Foreldrar hans fengu fyrst að vita að drengurinn yrði vel hærður þegar þau fóru í sónar en þá sagði læknirinn sem skoðaði hana einfaldlega. “Vá hvað hann er með mikið hár.” Þá flykktist starfsfólk spítalans að fæðingarstofunni eftir að Olvier kom í heiminn til að sjá hárprúða drenginn. Ekkert þeirra hafði séð svona áður.

Hármakkinn sást glögglega á sónarmyndinni Kom öllum skemmtilega á óvart

“Við höfum enga hugmynd um hvaðan allt þetta hár kemur. Það er gaman að þessu og verður spennandi að sjá hvernig þetta þróast,” segir móðir hans.