Íslenska vegan samfélagið fagnar tilkomu nýrrar vöru á íslenskan markað. Um er að ræða vegan Magnum ís. Nýlega kom Magnum með vegan ís á markað sem hefur fengið góðar undirtektir. Íslenskir grænkerar hafa beðið eftir að ísinn komi til landsins og rætt mikið um möguleikann á því í Facebook-hópnum Vegan Ísland.

Sædís Karen Stefánsdóttir Walker deildi svo stórfréttunum fyrir grænkerana í Vegan Ísland í gær og gaf DV góðfúslegt leyfi til að birta myndina. Sædís hafði samband við Kjörís, sem er með umboð fyrir Magnum, og spurðist fyrir um ísinn. Kjörís sagði að ísinn sé vonandi væntanlegur í næstkomandi maí mánuði.

„Með gleði í hjarta get ég sagt þér að þessi ís er á leiðinni til landsins!! Hann verður vonandi kominn í verslanir í maí mánuði. Ég var greinilega ekki með puttann á púlsinum en Magnum Classic er að koma til okkar vegan. Vonandi lýstu þessi tíðindi upp daginn hjá þér þar sem sólin er eitthvað að stríða okkur.“

Yfir 230 manns hafa líkað við færsluna þegar þessi grein er skrifuð og hafa fjölmargir skrifað við færsluna.

„Það borgar sig greinilega að senda á fyrirtæki og sýna eftirspurn,“ segir einn Facebook notandi.

„Ég er gjörsamlega hoppandi kátur yfir þessum fréttum,“ skrifaði annar

Ein fagnaði vel: „OH MY GOOOOOOOOD!!!!!“