Meðlimir hljómsveitarinnar Hatari voru spurðir að því hvort íslenska þjóðin óttist að hljómsveitin eigi eftir að koma með Eurovision keppnina til Íslands. Það var miðillinn Eurovison World sem tók viðtal við hljómsveitina og má horfa á það í spilaranum undir fréttinni. Eurovision World sérhæfir sig í fréttum og öðru efni tengdu Söngvakeppni evrópskra sjónvarpsstöðva.

Hljómsveitarmeðlimir svöruðu spurningunni svo að það liggi fyrir áætlanir um hvernig halda megi keppnina á Íslandi, til dæmis í hvaða húsi hún færi fram. Hins vegar komi viðburðurinn til með að valda miklu álagi á efnahag landsins.

Í viðtalinu er farið um víðan völl og ofan í pælingar um hugmyndafræði Hatara um að valda endalokum kapitalismans og velt vöngum yfir um hinum meinta gosdrykk Sodadream sem enginn hefur enn sést drekka.

Viðtalið var sett á Youtube á laugardag og hafði eldsnemma á páskadagsmorgun fengið áhorf upp á ríflega 11.000 og um 200 manns höfðu tjáð sig um efni viðtalsins í ummælakerfinu. Flestir þátttakendur í umræðum lýsa yfir hrifningu sinni á hljómsveitinni.