Þessir próteinríku hnetusmjörsbollar (peanut butter cups) eru svo gómsætir og einfaldir í gerð. Leynihráefnið er límónubörkur, það á eftir að koma þér á óvart! Uppskriftin er frá Women‘s Health Magazine.

Undirbúningstími: 30 mínútur

Bökunartími: 30 mínútur.

Hráefni:

1 ½ bolli tröllahafrar

½ bolli kókosflögur

118 ml vegan súkkulaði, bráðnað

2 msk kókosolía

¼ bolli mjúkt hnetusmjör

2 msk hlynsíróp

1 msk límónubörkur og meira til að strá yfir.

Aðferð:

1. Hitaðu ofninn í 200 °C
2. Settu hafrana og kókosflögurnar á bökunarpappír og inn í ofn þar til það er gullinbrúnt, um fimm mínútur.
3. Blandaðu því við súkkulaðið og einni matskeið af kókosolíu.
4. Skiptu blöndunni niður í möffinform (um tvær msk í hvert form) og ýttu svo blöndunni niður (getur notað botninn af glasi). Frystu þar til blandan er orðin hörð, um 25 mínútur.
5. Á meðan hrærðu saman hnetusmjöri, hlynsírópi, límónubörk og restinni af kókosolíunni.
6. Settu um matskeið af hnetusmjörsblöndunni í hvert form. Stráðu límónubörk yfir ef þú vilt. Frystu aftur í um hálftíma.

Hver uppskrift ætti að gefa þér 12 skammta. Í hverjum skammti er:

160 kaloríur
3 g prótein
14 g kolvetni
3 g trefjar
4 g sykur (1 g viðbættur sykur)
11,5 g fita
25 mg sódíum.