Nýtt frumvarp um sölu áfengis í matvöruverslunum verður lagt fram á næstu dögum. Þingmenn Sjálfstæðisflokks, Viðreisnar, Bjartrar framtíðar og Pírata munu standa að frumvarpinu. Þetta kom fram á vef Vísis á fimmtudag.
Pawel Bartoszek, þingmaður Viðreisnar, sagði við Vísi að vinna við frumvarpið væri á lokametrunum. Hann kveðst hafa trú á því að frumvarpið nái fram að ganga og góðar líkur séu á því að meirihluti sé fyrir frumvarpinu á þingi.
