Fallegar myndir eftir Gunnar Rúnar Ólafsson ljósmyndara
Í pistli sínum á Eyjunni í dag rifjar Egill Helgason upp nokkrar glæsilegar litmyndir frá Reykjavík á árinu 1953 sem ljósmyndarinn Gunnar Rúnar Ólafsson tók. DV birtir þær með góðfúslegu leyfi Ólafs Gunnarssonar.
Gunnar Rúnar fæddist árið 1917 og lærði fagið í Bandaríkjunum, nánar tiltekið í New York og Los Angeles. Hann starfaði hérlendis sem ljósmyndari og kvikmyndagerðamaður og fékkst við auglýsinga- og iðnaðarljósmyndun. Þá tók hann myndir fyrir Morgunblaðið. Hann lést langt fyrir aldur fram árið 1965.
Egill fjallar nánar um hverja mynd á Eyjunni.
Að lokum eru hér tvær svarthvítar myndir, teknar um 1960 í Reykjavík. Lesendur mega gjarnan geta sér til um hvar þær eru teknar.
