Líkt og fjallað hefur verið um hafa Klaustursþingmenn Miðflokksins sakað Báru Halldórsdóttur um að hafa dulbúið sig sem erlendan ferðamann áður en hún tók upp samtal sexmenninganna hið örlagaríka kvöld.

Það gefi til kynna að um vísvitandi og skipulagðan verknað hafi verið að ræða af hennar hálfu og stangist á við hennar upprunalegu frásögn, þar sem hún sagðist hafa tekið upp samtalið eftir að hafa blöskrað talsmáti þingmannanna.

Bára mynduð

Eyjan hefur í fórum sínum mynd sem tekin var af Báru 20. nóvember , sama dag og hún fór á Klaustur bar og heyrði þingmennina fara ófögrum orðum um náungann.

Hafði Bára áður komið við hjá Samtökunum 78, þar sem hún náðist á mynd. Aðrir fundargestir hafa verið máðir út af myndinni, að ósk Báru.

Ekki er að sjá á myndinni að Bára sé í dulbúningi sem erlendur ferðamaður, en tekið skal fram að Eyjan er ekki sérfróð um slíkan klæðnað.

Sjá einnig: Sjáðu alræmt dulargervi Báru:Myndir þú láta blekkjast? – Svona var hún klædd á Klaustri

Sjá einnig: Segja Báru hafa dulbúið sig sem erlendan ferðamann – Var í svartri úlpu og gallabuxum