Undanfarna daga hefur færst í aukana að einstaklingar birti rúmlega mínútulöng myndskeið af sjálfum sér á samfélagsmiðlum þar sem viðkomandi gerir ekkert annað en að standa grafkyrr. Hér er á ferð Gínuáskorunin svokalla eða „The The Mannequin Challenge“ en á meðal þekktra stjarna sem tekið hafa áskoruninni eru Adele, Hillary Clinton, Paul McCartney, Ellen DeGeneres og Beyoncé. Time tók á dögunum saman 17 athyglisverð myndskeið sem gerð hafa verið í tengslum við áskorunina.

Ófáir Íslendingar muna eftir ísfötuáskoruninni svokölluðu eða „The Ice Bucket Challenge“ sem tröllreið netinu fyrir nokkrum misserum og gekk út á að einstaklingar léttu hella yfir ísköldu vatni og skoruðu síðan á vini sína að gera slíkt hiða sama. Víst er þó að gínuáskorunin býður upp á talsvert meira svigrúm fyrir skapandi hugsun auk þess sem herferðin gengur ekki út á keppni eða, þá fjáröflun, ólíkt ísfötuáskoruninni.

Fyrrum forsetaframbjóðandinn Hillary Clinton birti gínuáskorunarmyndskeið á Twitter um leið og hún hvatti fólk til að kjósa í forsetakosningunum í Bandaríkjunum. Ljósmynd/Twitter.

Hópur unglinga í menntaskóla í Bandaríkjunum komu gínuherferðinni á stað í síðasta mánuði en sem fyrr segir ganga myndskeiðin út á það að viðkomandi stendur grafkyrr, eins og gína, og í flestum tilfellum hljómar lagið „Black Beatles“ með Rae Sremmurd í bakgrunni. Mismunandi er þó í hvaða stellingum hver og einn er á meðan á myndskeiðinu stendur.Líkja má upplifuninni við að horfa á myndskeiðin við það að horfa á mynd þar sem skyndilega hefur verið ýtt á pásu.

[youtube https://www.youtube.com/watch?v=Zzf8smCKPM4&w=600&h=360]

Starfsmenn Nýherja ákváðu að taka gínuáskoruninni í morgun og þá hafa fyrirtækin Aðalskoðun og Vodafone einnig slegist í hópinn með þeim. Meðfylgjandi er stórskemmtileg gínuáskorun fyritækjanna, sem jafnframt hafa skorað á WOW air, Krispy Kreme, Símann, Icelandair, Íslenska, Ölgerðina, Eldsmiðjuna og Landsbankinn að taka þátt og verður spennandi að sjá hvort fleiri fyrirtæki muni slást í hópinn.