En það komst upp um hana að lokum og undanfarið hálft ár hefur hún setið bak við lás og slá í Washington D.C. en hún er grunuð um njósnir í þágu Rússa en hún er rússnesk. Hún hefur alla tíð neitað sök en á þriðjudaginn breytti hún alveg um stefnu og játaði sök og féllst á að vera samstarfsfús við rannsókn málsins. Kannski ekki að furða því hún á 15 ára fangelsi yfir höfði sér en fær væntanlega vægari refsingu ef hún er samstarfsfús.
The New York Times skýrir frá þessu.
Fyrir tveimur árum var Maria útnefnd heiðursfélagi í NRA en henni tókst að ná þessum árangri í samstarfi við rússneskan leiðbeinanda sinn, Alexander Torschin, sem er góður vinur Vladimir Pútíns Rússlandsforseta. Þau stofnuðu auk þess rússnesk systursamtök NRA.
Í kosningabaráttunni fyrir forsetakosningarnar 2016 hitti Maria ekki bara Donald Trump, verðandi forseta, heldur hitti hún einnig þekkta leiðtoga repúblikana og má þar nefna Scott Walker, Bobby Jindal og Rick Santorum. Þeir eru allir sagðir hafa fallið fyrir sjarma hennar og þeim mikla áhuga sem hún sýndi stjórnarskrárvörðum rétti Bandaríkjamanna til að bera skotvopn.
The Washington Post segir að á leynilegum upptökum heyrst Maria stæra sig af að hafa stundað kynlíf með mörgum úr innsta hring repúblikanaflokksins. Það eru því fleiri en opinber unnusti hennar, Paul Erickson sem var kosningastjóri Mitt Romney, sem eru áhyggjufullir yfir komandi vitnisburði hennar.
„Allir karlar yfir sextugu eru eins og mjúkur leir í höndum mínum. Ég get fengið þá til að gera hvað sem og mótað þá eins og ég vil.“
Þetta skrifaði hún í tölvupósti sem hún sendi til Rússlands að sögn saksóknara í máli hennar. Ekki er vitað hversu mörg leyndarmál hún komst yfir en talið er að hún búi yfir mikilli vitneskju sem geta gert lífið erfitt fyrir marga í æðstu stöðum innan repúblikanaflokksins og NRA.
