Jose Mourinho, stjóri Manchester United, var í stuði á blaðamannafundi á Old Trafford í gær.
Mourinho hefur verið súr á svip í vetur en sá sína menn vinna sannfærandi 4-1 sigur á Fulham í ensku úrvalsdeildinni.
Það er ekkert leyndarmál að Mourinho vill fá að kaupa nýja leikmenn í janúar og vonast til að fá fjármagn til þess
Mourinho grínaðist á blaðamannafundi eftir leikinn er hann tók eftir því að ekkert vatnsglas var á borðinu fyrir framan hann.
,,Erum við að spara pening? Ekkert vatn! Erum við að spara fyrir janúar?“ sagði Mourinho léttur.
Mourinho vill fá varnarmenn til félagsins í janúarglugganum, eitthvað sem mistókst síðasta sumar.