Auglýsingadeild Tottenham hefur fengið auglýsingu frá sér um nýjan heimavöll félagsins, harkalega í bakið.
Tottenham auglýsir nýjan heimavöll sem eina staðinn til að horfa á Meistaradeildina í London.
Völlurinn er ekki klár og verður það ekki fyrr en undir lok árs þegar keppni í riðlum Meistaradeildarinnar er á enda.
Þá eru allar líkur á því að Tottenham verði úr leik en liðið er með eitt stig eftir þrjá leiki.
Inter er með sex stig og Barcelona með níu stig. Tottenham þarf því kraftaverk til að komast áfram.
Það verður því enginn Meistaradeild í London eftir áramót ef fram heldur sem horfir, ekki á nýjum heimavelli Tottenham en Chelsea og Arsenal eru ekki með í ár.
