Heimildamyndin InnSæi, eða The Sea Within, eftir Kristínu Ólafsdóttur og Hrund Gunnsteinsdóttur, var sýnd fyrir fullu húsi í Háskólabíói um helgina.

Í kynningu um myndina á vef Bíó Paradísar segir að nýir tímar kalli á breytt hugarfar og meðvitaða skynjun. InnSæi muni bjóða áhorfendum í ferðalag inn í hulinn heim innra með hverju og einu okkar sem lætur engan ósnortinn.

Þá segir að í bland við persónulega reynslu sögumannsins, Hrundar Gunnsteinsdóttur, komi fram í myndinni heimsþekktir leiðtogar og hugsuðir á sviði lista, vísinda og fræða sem leiða okkur inn í margræðan heim InnSæis: Heim endalausra möguleika, sjálfsþekkingar, samkenndar og ímyndunarafls. – Veröld sem við erum að missa tengingu við í hraða og áreiti nútímasamfélagsins.

Myndin var heimsfrumsýnd í Berlín í sumar og var hún í kjölfarið sýnd í yfir 30 kvikmyndahúsum í Þýskalandi. Myndin var frumsýnd í Bíó Paradís í gærkvöldi og verður hún sýnd þar fram á föstudag.

Tók þátt í verkefninu Hér eru þær Kristín og Hrund með Högna Egilssyni, sem oftast er kenndur við Hjaltalín. Högni syngur titillag myndarinnar en Úlfur Eldjárn sér að öðru leyti um tónlistina.

Skattakóngur Þorsteinn Hjaltested mætti galvaskur á frumsýninguna og er fyrir miðri mynd. Þorsteinn var skattakóngur Íslands 2010 og 2011. Fyrir aftan hann er Kristjana Guðbrandsdóttir, blaðamaður á Fréttablaðinu.

Fyrrverandi forsetaframbjóðandi og frú Andri Snær Magnason, sem bauð sig fram í embætti forseta Íslands í sumar, mætti með konu sinni, Margréti Sjöfn Torp.

La vita è bella! Gæti óperusöngvarinn ástsæli, Kristján Jóhannsson, verið að segja. Við hlið hans stendur eiginkona hans, Sigurjóna Sverrisdóttir.

Létu sig ekki vanta Jakob Frímann Magnússon, framkvæmdastjóri Miðborgarinnar okkar, mætti á frumsýninguna með sinni glæsilegu eiginkonu, Birnu Rún Gísladóttur.