Keflavík 1-3 FH
1- Dagur Dan Þórhallsson(24′)
1-1 Steven Lennon(34′)
1-2 Aron Kári Aðalsteinsson(sjálfsmark, 54′)
1-3 Marc McAusland(sjálfsmark, 57′)

Keflavík er fallið úr Pepsi-deild karla en liðið mætti FH í 18. umferð sumarsins í Keflavík í kvöld.

Keflvíkingar hafa í raun verið ömurlegir í allt sumar en liðið komst þó yfir í leiknum í dag er Dagur Dan Þórhallsson skoraði.

Sú forysta entist í tíu mínútur en Steven Lennon jafnaði metin fyrir FH á 34. mínútu og staðan í leikhléi 1-1.

Það voru svo tvö sjálfsmörk sem gerðu út um leikinn fyrir FH en Aron Kári Aðalsteinsson skoraði það fyrra og Marc McAusland það seinna.

Keflavík er án sigurs með fjögur stig á botni deildarinnar og getur aðeins náð í 12 stig í síðustu fjórum leikjunum.

Það dugar ekki til en bæði Fjölnir og Fylkir eru fyrir ofan liðið með 16 stig og eiga eftir að mætast í deildinni.