Króatía tryggði sér farseðilinn í úrslitaleik HM í gær er liðið vann England með tveimur mörkum gegn einu.
Það vakti athygli í fyrsta leik Króata í mótinu gegn Nígeríu er Nikola Kalinic neitaði að koma inná.
Kalinic átti að koma inná undir lok leiks en hafnaði því boði og laug því að hann væri meiddur í baki.
Zlatko Dalic, landsliðsþjálfari Króata, tók þetta ekki í sátt og ákvað í kjölfarið að reka Kalinic heim fyrir næsta leik.
Nú er hins vegar spurning hvort Kalinic fái medalíu er Króatar vinna HM en enginn leikmaður kom inn í hópinn í hans stað.
Kalinic er ennþá skráður sem leikmaður Króata á HM þó að hann hafi ekkert komið við sögu í mótinu.
