Hörður Snævar Jónsson skrifar frá Volgograd:
Francis Uzoho markvörður Nígeríu er fyrsti kostur liðsins í markinu, hann er aðeins 19 ára gamall.
Uzoho fékk tækifæri sitt vegna veikinda Carl Ikeme, markvarðar Wolves. Sá er að berjast við krabbamein.
Íslenska landsliðið sendi Ikeme treyju í vikunni en Jón Daði Bövðarsson lék með honum hjá Wolves.
Meira:
Aron Einar sendir leikmanni frá Nígeríu batakveðju – ,,Fótboltinn er ein stór fjölskylda“
,,Þetta var fallega gert, þeir gerðu það vel að gefa honum treyju. Virkilega fallega gert hjá Íslendingum,“ sagði Uzoho sem er í eigu Deportivo La Coruna.
,,Við erum að vinna mikið á æfingum, sem lið erum við að undirbúa okkur. Við ætlum að gera eitthvað gegn Íslandi. Þetta er mikilvægur leikur fyrir bæði lið, þetta verður erfitt. Skemmtilegur leikur að spila og horfa á, við viljum spila sóknarbolta. Við reynum okkar besta til að vinna leikinn.“
