Hörður Snævar Jónsson skrifar frá Volgograd:
Gernot Rohr þjálfari Nígeríu segir að það sé ekki í boði að tapa fyrir Íslandi á morgun á HM í Rússlandi.
Ef Nígería tapar leiknum er ljóst að liðið er úr leik. Eitthvað sem Rohr sér ekki í kortunum.
,,Það er ekki í boði að tapa þessum leik, við munum ekki tapa þessum leik. Þú mátt spyrja eftir leikinn um framtíð mína, við munum ekki tapa,“ sagði Rohr.
Rohr segist ekki hafa stjörnur í sínu liði en segist vera með stjörnur morgundagsins í sínum röðum.
,,Af hverjum erum við ekki með stjörnur? Við erum yngsta liðið á HM, við erum með Obi Mikel sem var og er góður leikmaður. Þú getur sagt að hann sé stjarna, Victor Moses er vel þekktur. Þeir verða stjörnur morgundagsins, við erum með lið fyrir HM 2022. Þeir verða betri og betri.“
