Sigurður Ingi Jóhannsson formaður Framsóknarflokksins stakk upp á þeirri hugmynd að sex flokkar myndu leiða næstu ríkisstjórn. Væri þá um að ræða stjórnarandstöðuna ásamt Viðreisn og Flokki fólksins. Vakti frétt Vísis þess efnis frá því í gær mikla athygli. Í hádegisfréttum Bylgjunnar er fjallað nánar um málið. Þar sagði:

„Þessi hugmynd mun nánast hafa verið andvana fædd þar sem undirtektir annarra við henni voru ekki góðar.“

Stundin birti frétt rétt fyrir hádegi í dag sem heldur fram að enn sé unnið að þessari sexflokka stjórn sem Vísir segir nú að sé andvana fædd. Í frétt Stundarinnar segir að Katrín Jakobsdóttir yrði þá forsætisráðherra. Segir í frétt Stundarinnar að mikil leynd sé yfir þessum þreifingum. Þar kemur einnig fram að tilraunir til að mynda ríkisstjórn Sjálfstæðisflokks, Framsóknarflokks og VG hafi strandað í gær og að VG hafi viljað hafa Samfylkinguna innanborðs.

Í hádegisfréttum Bylgjunnar segir að takist Katrínu ekki að leiða saman stjórnarandstöðuna í eina sæng aukist líkur á að Sjálfstæðisflokkur, Framsóknarflokkur, Miðflokkur og Flokkur fólksins myndi ríkisstjórn.

Inga Sæland tjáir sig við Morgunblaðið um mögulega sex flokkka stjórn. Þar telur hún líkur á að takist að mynda slíka stjórn. Hún segir:

„Mér líst rosa­lega vel á það sem ég held að verði. Ég er al­veg sann­færð um að það sé kom­inn tími til breyt­inga og að við séum að fara að ná fram rétt­læti fyr­ir fólkið okk­ar í land­inu. Ég trúi því af öllu mínu hjarta.“