Guðni A. Jóhannesson orkumálastjóri birti jólakveðju sína til starfsmanna á heimasíðu Orkustofnunar í dag. Þar er farið yfir víðan völl um starfsemi fyrirtækisins, en aðeins er hnýtt í nýja ríkisstjórn og áform hennar í orkumálum. Til dæmis undrar orkumálastjóri sig á því hvernig fyrirtækið geti gegnt samfélagslegu hlutverki umfram almennar kröfur til fyrirtækja, þar sem Orkustofnun sé á samkeppnismarkaði.

En í stjórnarsáttmálanum segir:

 
„Langtímaorkustefna verður sett á kjörtímabilinu í samráði við alla þingflokka. Í orkustefnu verði byggt á áætlaðri orkuþörf til langs tíma miðað við stefnu stjórnvalda, til að mynda um orkuskipti, og hvernig megi tryggja raforkuframboð fyrir almenning og atvinnulíf. Eigendastefna Landsvirkjunar mun taka mið af orkustefnunni.“

 

Einnig telur Guðni að ný ríkisstjórn leggi frekari áherslu á lagningu jarðstrengja umfram loftlínur, sem þrengi þá valkosti sem fyrir hendi eru á hálendinu við að tengja saman lykilsvæði raforkukerfisins og „stuðla þannig að bættu orkuöryggi og betri nýtingu raforkuframleiðslugetu sem er fyrir í landinu.“

Jólakveðjuna í heild sinni má lesa hér.