Lín Design opnaði um síðustu helgi nýja og glæsilega verslun á Smáratorgi, við hliðina á Rúmfatalagernum og Regatta. „Við erum að flytja á Smáratorg frá Laugavegi þar sem við vorum í 10 ár,“ segir Bragi Smith framkvæmdastjóri Lín Design. „Við þurftum að stækka því vöruúrvalið hefur aukist á undanförnum árum. Við byrjuðum með innifatalínu fyrir nokkrum árum sem hefur vaxið og þurfti meira pláss,“ bætir Bragi við.

„Smáratorg hentar okkur betur, þar eru fleiri bílastæði, verslunin er miðsvæðis og nú komum við öllum vörunum fyrir á einum stað.“

Ekkert var sparað við uppsetningu á nýju versluninni, enda stærsta verslun Lín Design. „Við fengum Soffíu hjá Skreytum Hús til að koma og stilla upp með okkur því hún er algjör snillingur,“ segir Bragi.

Í tilefni af opnun verslunarinnar er 30% afsláttur af öllum vörum og 40 til 50% af völdum vörum. Tilboðin gilda út þessa viku.