Hún braut úlnlið og greinilega skaðaðist í framan samkvæmt skilaboðum frá henni. Ljóst var í nóvember að hún þurfti á spítala vegna meiðsla, en það er fyrst núna sem hún gefur upp að hún þurfti á 40-50 sporum að halda í andlitið og segir hún að afleiðingarnar séu þær að hún „líti ekki alveg eins út og áður.“
Underwood sendi póst til aðdáenda sinna þar sem segir „Það er annar hluti í sögunni sem ég hef ekki verið tilbúin til að tala um áður þar sem ég er enn að átta mig á því og það hefur verið óljóst hver niðurstaðan yrði. Það er brjálað hvernig slys getur breytt lífi þínu.“
„Auk þess að brjóta úlnlið, þá tókst mér að skadda andlit mitt líka. Ég sleppi nánari lýsingum, en þegar ég kom úr aðgerðinni þá var læknirinn búinn að segja eiginmanni mínum að saumuð voru 40-50 spor í andlit mitt.“
Tveir mánuðir eru liðnir frá slysinu og felur Underwood andlit sitt ennþá. Hún deildi þó þessari mynd á Instagram.
„Ég vil að þið skiljið af hverju ég lít aðeins öðruvísi út. Ég vona að breytingarnar verði smávægilegar, en ennþá veit ég ekki hvernig þetta mun enda.“
