„Við sýndum það í dag að við getum unnið hvaða lið sem er,“ sagði Helgi Sigurðsson, þjálfari Fylkis eftir 1-0 sigur liðsins gegn Breiðablik í 32-liða úrslitum Borgunarbikarsins í kvöld.

Það var Daði Ólafsson sem skoraði eina mark leiksins úr vítaspyrnu í fyrri hálfleik og Fylkismenn því komnir áfram í 16-liða úrslitin.

„Við vorum bara að hugsa um okkur sjálfa í dag. Að vera skipulagðir og sækja hratt á þá með fáum snertingum. Við gerðum það mjög vel í fyrri hálfleik og vorum að fá mjög góð færi áður en við skoruðum úr vítinu.“

„Þeir pressuðu okkur vel í seinni eins og við var að búast en þeir voru ekki að skapa sér nein færi og við vorum bara árásargjarnir þegar að þeir nálguðust vítateiginn okkar. Menn börðust vel og sýndu það að þeir voru tilbúnir að klára sig algjörlega fyrir liðið og félagið.“

Viðtalið í heild sinni má sjá hér fyrir ofan og neðan.