Liverpool tekur á móti Mancheter City í stórleik ensku úrvalsdeildarinnar á sunnudaginn næsta klukkan 16:00 en leikurinn fer fram á Anfield.
City situr sem stendur á toppi ensku úrvalsdeildarinnar með 62 stig og hefur 15 stiga forskot á Manchester United sem er í öðru sætinu.
Liverpool er í fjórða sæti deildarinnar með 44 stig, þremur stigum frá Manchester United en baráttan um Meistaradeidlarsæti hefur sjaldan verið jafn hörð.
Alberto Moreno, bakvörður Liverpool æfði með liðinu í gærdag en hann hefur ekkert spilað með liðinu síðan gegn Spartak Moscow í Meistaradeildinni í síðasta mánuði.
Hann gæti því verið klár þegar Liverpool tekur á móti City um helgina.
