Forráðamenn Stoke flugu til Barcelona á dögunum til þess að hitta Quique Sanchez Flores en það er Mail sem greinir frá þessu.
Hann stýrir Espanyol í dag en hann þekkir vel til á Englandi eftir að hafa stýrt Watford í ensku úrvalsdeildinni.
Watford gerði góða hluti undir hans stjórn en hann var óvænt rekinn frá félaginu í lok tímabilsins 2016.
Stoke lét Mark Hughes fara á dögunum og leitar nú að nýjum knattspyrnustjóra en Martin O’Neill hefur einnig verið orðaður við starfið.
