Leicester City tekur á móti Swansea í ensku úrvalsdeildinni á morgun klukkan 15:00.
Riyad Mahrez, sóknarmaður liðsins er ekki í hóp á morgun en þetta staðfesti Claude Puel, stjóri liðsins í dag.
Sóknarmaðurinn er í fýlu þessa dagana eftir að Leicester hafnaði fjórum tilboðum frá Manchester City í leikmanninn.
Hann mætti ekki á æfingu liðsins í gærdag og skrópaði aftur á æfingu í dag samkvæmt enskum miðlum.
Mahrez á því von á hárri fjársekt frá félaginu á næstu dögum.
