Jurgen Klopp, stjóri Liverpool var mættur á blaðamannafund í hádeginu þar sem hann ræddi leik liðsins gegn Tottenham um helgina.
Liverpool tekur á móti Tottenham í stórleik ensku úrvalsdeildarinnar á sunnudaginn klukkan 16:30.
Bæði lið eru í harðri baráttu um Meistaradeildarsæti en Liverpool er í þriðja sæti deildarinnar með 50 stig en Tottenham er í fimmta sætinu með 48 stig.
Klopp var spurður út í samband Sadio Mane og Mohamed Salah á blaðamannafundinum í dag en margir vilja meina að Mane sé öfundsjúkur út í gott gengi Salaha á leiktíðinni.
„Ég hef ekki trú á því að Mane sé öfundsjúkur út í Salah, þeir eru bestu vinir!“ sagði Klopp.
„Auðvitað er athyglinn á Salah sem er eðlilegt, enda er hann að eiga frábært tímabil.“
„Allir leikmenn liðsins eru ánægðir fyrir hans hönd,“ sagði Klopp að lokum.
