Aston Villa tók á móti Wolves í ensku Championship deildinni í kvöld en leiknum lauk með 4-1 sigri heimamanna.
Það voru þeir Albert Adomah, James Chester, Lewis Grabban og Birkir Bjarnason sem skoruðu mörk Villa í leiknum en Diogo Jota skoraði mark Wolves í stöðunni 1-0.
Birkir byrjaði á bekknum hjá Aston Villa í dag en kom inná sem varamaður á 75. mínútu fyrir Albert Adomah.
Það tók hann korter að skora en hann hefur fengið mikið lof fyrir frammistöðu sína með Villa að undanförnu.
Myndband af marki Birkis má sjá hér fyrir neðan.
