Margrét Danadrottning, fjölskylda hennar og föruneyti skartaði sínu fegursta í árlegu áramótaboði sem fór fram í Kaupmannahöfn þann 3. janúar.
Þar tók hún á móti nokkrum sendiherrum í Kristjánsborgarhöll umkringd sínu nánasta fólki og her vígalegra varðmanna sem að venju standa vaktina við höllina. Daginn eftir sneri frúin svo til Amalíuborgar í gylltum hestvagni frá árinu 1840.
Látum myndirnar tala sínu máli.
Blessaðir strákar! Varðmennirnir standa hnarreistir þegar drottningin kemur í hús í Kristjánsborgarhöll.
Sendiherrar, eða frúr? Þessar glæsilegu konur starfa sem sendiherrar í Kaupmannahöfn en í miðjunni stendur Carla Sands, sendiherra Bandaríkjanna. Stórglæsileg.
Heilsað upp á gesti Margrét heilsar upp á Cörlu Sands, sendiherra Bandaríkjanna. Við hlið drottningarinnar standa Friðrik krónprins og María prinsessa.
Föruneyti drottningar Þessir flottu kappar fylgdu drottningunni úr hlaði þegar hún hélt heim til sín.
Ágætar móttökur Þessir kappar tóku á móti Margréti Danadrottningu þegar hún kom aftur til Amalíuborgar.
Góð í gullvagninum Hér er haldið fast í hefðirnar. Daginn eftir hið árlega áramótaboð, þar sem Margrét Danadrottning heilsar upp á sendiherra hinna ýmsu landa, heldur hún heim á leið í gullslegnum hestvagni sem var smíðaður árið 1840.
