Jón Viðar Arnþórsson bardagakappi og formaður Mjölnis deildi mynd af sér ásamt Sóllilju Baltasarsdóttur á Instagram en þau eru nýtt par. Myndin er tekin í náttúrulaug í blíðviðrinu í gær.

Á vef Séð og heyrt segir að Sóllilja sé dóttir Baltasars Kormáks leikstjóra. Þrátt fyrir ungan aldur hefur hún getið sér gott orð sem hönnuður og slógu handmálaðar ullarpeysur hennar í gegn.

Jón Viðar hefur verið kallaður herra Mjölnir en hann er forseti Mjölnis og góðvinur Gunnars Nelson. Hefur Jón Viðar verið mikið í fréttum undanfarin ár og hlotið mikið lof fyrir að byggja upp Mjölni sem er eitt vinsælasta íþróttafélag landsins

Jón Viðar var í sambúð með Ágústu Evu Erlendsdóttur leikkonu en í síðasta mánuði greindu þau frá því að þau hefðu ákveðið að fara hvort í sína áttina. Sagði Jón Viðar þá: „Það var ekkert sérstakt sem kom uppá heldur ákváðum við þetta bara og allt í góðu. Við verðum því bara vinir áfram.“