Aston Villa er Evrópudeildarmeistari eftir sannfærandi 3-0 sigur á SC Freiburg í úrslitaleik sem fram fór í Tyrklandi.
Enska liðið var sterkari aðilinn frá fyrstu mínútu og lagði grunninn að sigrinum undir lok fyrri hálfleiks. Youri Tielemans kom Villa yfir á 41. mínútu áður en Emiliano Buendía tvöfaldaði forskotið í uppbótartíma fyrri hálfleiks.
Í síðari hálfleik innsiglaði Morgan Rogers svo sigurinn með þriðja markinu á 58. mínútu.
Freiburg náði aldrei að svara fyrir sig og Aston Villa stjórnaði leiknum til enda.
Þetta er stór stund fyrir félagið sem tryggir sér Evrópudeildartitilinn með glæsibrag og staðfestir stöðu sína á meðal sterkustu liða Englands.
