Á fundi stjórnar KSÍ þann 16. apríl var lögð fram ályktun frá Ungmennaþingi KSÍ sem haldið var 15. mars síðastliðinn.

Þar er skorað á félögin í landinu að bjóða upp á æfingar fyrir alla eftir 2. flokk, líka þá sem ætla sér ekki endilega að ná langt á sviði knattspyrnunnar.

Stjórn KSÍ samþykkti á fundi sínum að fela framkvæmdastjóra að koma henni á framfæri við aðildarfélög og hefur það verið gert.

Ályktun frá Ungmennaþingi KSÍ sem fram fór 15. mars 2026
Til þess að tryggja aðgengi að fótbolta eftir 2. flokk skorar Ungmennaþing KSÍ á félögin að bjóða upp á æfingar fyrir alla, bæði fyrir þá iðkendur sem stefna að því að spila með meistaraflokki félagsins og fyrir þá sem vilja æfa fótbolta en stefna ekki hærra. Að fá að tilheyra liði og að geta sótt æfingu í íþróttafélagi hefur sýnt sig að sé besta forvörnin.

Samþykkt samhljóða á Ungmennaþingi KSÍ sem haldið var 15. mars 2026