Fyrrverandi knattspyrnudómarinn Elif Karaarslan hefur verið handtekinn í Tyrklandi, en handtaka hennar er hluti af rannsókn á fíkniefnanotkun og vændi meðal áhrifavalda og fólks sem tengist skemmtanalífinu.

Karaarslan er einnig sökuð um að dreifa klámfengnu efni. Hún neitar því og segir efnið aðeins hafa verið bikinímyndir sem áskrifendur greiddu fyrir að sjá.

Samkvæmt tyrkneskum miðlum þénaði hún allt að 5 milljónir íslenskra króna á mánuði fyrir efnið.

Rannsóknin beinist nú helst að meintum fíkniefnabrotum, en sýni sem tekin voru eiga að hafa greinst jákvæð fyrir kókaíni og metamfetamíni.

Karaarslan er ein af átta sem sitja í gæsluvarðhaldi eftir aðgerðir lögreglu í Istanbúl fyrr í mánuðinum.

Hún hafði áður verið sett í lífstíðarbann frá knattspyrnu vegna meintrar þátttöku í kynlífsmyndbandi með dómaraeftirlitsmanni, en hún neitar þeim ásökunum og hyggst áfrýja.