Félög í ensku deildakeppninni, English Football League, hafa hafnað innleiðingu nýs myndbandsdómarakerfis í Championship-deildinni á næsta tímabili.

Kerfið, sem kallast Football Video Support (FVS), var lagt fram af dómarasamtökunum Professional Game Match Officials Limited og er einfaldari útgáfa af VAR sem notuð er í öðrum íþróttum. Hugmyndin var að lið gætu beðið um endurskoðun dóma allt að tvisvar í leik, þar sem þjálfarar fengju að nýta áskoranir sem yrðu skoðaðar með myndbandsupptökum.

Meirihluti félaga hafnaði þó tillögunni eftir könnun innan EFL og því verður kerfið ekki tekið upp á næsta tímabili.

Áfram verður hins vegar notast við marklínutækni í Championship og möguleiki er á að sú tækni verði einnig tekin upp í League One, ef samþykki fæst fyrir því síðar á árinu.

Ákvörðunin sýnir að félögin vilja fara varlega í innleiðingu nýrrar tækni í deildarkeppninni.