Rekstur knattspyrnudeildar Breiðablik var umfangsmikill á árinu 2025 en velta ársins nam 1349 milljónum.

Félagið greiddi 6.052.389 kr. til umboðsmanna á árinu 2025, samanborið við 4.684.284 kr. á árinu 2024.

Hagnaður ársins var rúmlega 167 milljónir samanborið við tæplega 104 milljóna króna tap árið áður.

Sú staðreynd að liðið komst í deildarkeppni Sambandsdeildarinnar útskýrir þennan mikla hagnað á síðustu leiktíð.

Gjöldin jukust til muna með góðum árangri en kostnaðurinn við þjálfun, leikmenn og yfirstjórn var 792 milljónir og hækkar um 200 milljónir á milli ára. Í heildina voru útgjöldin rúmir 1,2 milljarðar.

Deildin á 300 milljónir í handbært fé og hækkar sú tala um 120 milljónir á milli ára. Félagið á 183 milljónir í verðbréfum og hækkar sú tala hressilega á milli ára. Veltufjármunir eru í heildina rúmar 600 milljónir.

Skuldirnar eru í kringum 300 milljónir en þar eru fyrirframinnheimtar tekjur rúmar 100 milljónir og viðskiptaskuldir 170 milljónir.

Meira:
Algjört óveðurský í rekstrinum í Árbæ: Mígandi tap á síðasta ári – Tekjur hrundu en launagreiðslur stóðu í stað
Ársreikningur Víkings vekur mikla athygli – Gríðarlegt tap á síðasta ári en staðan sterk
Rosaleg skuldastaða í Eyjum vekur enn á ný athygli – Tekjur jukust hressilega á milli ára
Rosaleg tekjuaukning í Vesturbæ með tilkomu Óskars Hrafns – Útgjöld jukust um 120 milljónir á síðasta ári
Jafnvægi í rekstrinum í Úlfarársdal: Tekjur lækkuðu og útgjöld jukust til muna – Samt var hagnaður á rekstri
Svart ský yfir rekstrinum í Garðabæ: Laun hækkuðu rosalega – Tapið á síðasta ári yfir 80 milljónir
Blómlegur rekstur á Hlíðarenda: Aukning í tekjum og góður hagnaður – Laun hækka talsvert á milli ára
Góðæri á Akranesi: Góður hagnaður þrátt fyrir miklar launahækkanir á milli ára