„Sumarið 2001 fór ég á hina alræmdu útihátíð Eldborg. Þá helgi gerði ég ýmislegt sem varð mér til mikillar skammar, meðal annars stal ég þessum fallega og hljómfagra Yamaha kassagítar. Ég man ekki nákvæmlega hvernig það gerðist, en rámar þó í að ég hafi tekið hann ófrjálsri hendi úr einhverju tjaldi,“ segir Bragi Páll Sigurðarson, blaðamaður á Stundinni sem nú auglýsir eftir eiganda gítarsins. Bragi greinir frá þessu á Facebook og birtir mynd af gítarnum og segir:

„Fyrir nokkrum vikum áttaði ég mig svo á því að þessi gítar væri þýfi, og ekki mín eign. Síðan þá hef ég verið að velta því fyrir mér hvernig ég geti leiðrétt þetta brot mitt. Ég ætla þess vegna að gera tilraun til þess að koma gítarnum aftur til síns rétta eiganda.“

Bragi biður þá sem þekkja manneskjuna sem hefur saknað gítars í 15 ár, að láta viðkomandi vita. „Einnig ef þið eruð tilbúin að deila þessari mynd í von um að viðkomandi hafi meiri líkur á að nálgast hann, þá væri það mjög vel séð.“

Þá segir Bragi að ef honum tekst ekki að finna eigandann stefni hann á að gefa hann annað hvort til félagsmiðstöðvar eða leikskóla, „eða einhver önnur stofnun eða einstaklingur sem getur notað hann með hreinni samvisku en ég.“

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_US/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));