Pep Guardiola, stjóri Manchester City, segir ekki hægt að fylla skarð Bernardo Silva þegar hann er ekki með liðinu.
Silva er 31 árs og algjör lykilmaður fyrir City. Hann verður hins vegar samningslaus í sumar og var spænski stjórinn því spurður út í hann.
„Það er ekki hægt að fylla skarð Bernardo. Þegar hann er ekki með þurfum við að spila öðruvísi,“ segir Guardiola einfaldlega.
Silva hefur verið á mála hjá City síðan 2017 og átt stóran þátt í ótrúlegri sigurgöngu liðsins á undanförnum árum.
