Cole Palmer væri opinn fyrir afar óvæntum félagaskiptum til Manchester United.

Samkvæmt Sun Sport er Chelsea-stjarnan óánægð í Lundúnum, tveimur og hálfu ári eftir að hann yfirgaf Manchester City.

Palmer, sem er fæddur og uppalinn í Manchester, er sagður myndi taka vel í áhuga frá United, félagi sem hann studdi sem barn.

Heimildir herma að Palmer hafi engan áhuga á að snúa aftur til Manchester City, þar sem Pep Guardiola er enn við stjórnvölinn. City seldi Palmer til Chelsea fyrir 42,5 milljónir punda í september 2023 og skrifaði hann undir endurbættan samning til ársins 2033 á síðasta tímabili.

Palmer saknar heimabæjar síns, Wythenshawe, og heimsækir reglulega fjölskyldu og vini. Hann hefur aðeins verið í byrjunarliði í 11 leikjum á tímabilinu vegna þrálátra nárameiðsla og var ekki í leikmannahópi Chelsea í 3-1 sigri gegn Crystal Palace um helgina.

Yfirmaður knattspyrnumála hjá United, Jason Wilcox, þekkir Palmer vel frá tíma sínum hjá City-akademíunni og hefur áður lýst mikilli trú á hæfileika hans.