Bandaríska leikkonan Kristen Bell er gagnrýnd harðlega fyrir að birta „ótrúlega taktlausa“ færslu á brúðkaupsafmæli hennar og eiginmannsins Dax Shepard.

Um helgina birti Bell færslu á Instagram sem hún tileinkar 12 ára brúðkaupsafmæli þeirra og deilir mynd með þar sem hún gefur eiginmanninum stórt faðmlag á meðan þau sitja í rúminu.

Bell, 45 ára, skrifaði við myndina: „Til hamingju með 12 ára brúðkaupsafmælið, maðurinn sem sagði einu sinni við mig: „Ég myndi aldrei drepa þig. Margir karlmenn hafa drepið konur sínar á ákveðnum tímapunkti. Jafnvel þótt ég finni fyrir hvata til að drepa þig, þá myndi ég aldrei gera það.““

Margir fylgjenda hennar urðu reiðir yfir færslunni og bentu á að október sé mánuður vitundarvakningar um heimilisofbeldi.

„Bara til upplýsingar, að birta þennan myndatexta á meðan á vitundarvakningu um heimilisofbeldi stendur er ótrúlega taktlaust, vinsamlegast endurskoðaðu þetta.“ 

„Þetta er ótrúlega sorglegt og ónæmt að segja miðað við að þetta er mánuður vitundarvakningar um heimilisofbeldi og þúsundir kvenna hafa látist í höndum mannsins sem þær treystu…,“ benti annar á.

„Kristen, það er engin leið að þú birtir þetta á meðan á vitundarvakningu um heimilisofbeldi stendur,“ skrifaði sá þriðji.

Margir minntu Bell á að makaofbeldi „sé ekki grín“ eða eitthvað sem ætti að taka létt, og einn sagði: „Að birta þetta og kalla það sætt eða grín er fáránlegt að mínu mati.“

Annar skrifaði: „Vinsamlegast hafið í huga að þetta er eitthvað raunverulegt sem margir þjást af daglega. Og textinn gæti verið ögrandi fyrir þolendur.“

Margir kölluðu skilaboðin „undarleg“ og „óþægileg“.

„Hvernig getur nokkur sjálfsvirðandi kona verið með manni sem grínsat svona? Ég er ekki einu sinni mjög alvarleg manneskja, en þetta myndi fá mig til að hlaupa svo hratt að hausinn á þér myndi snúast.“

Einhverjir vörðu þó Bell og sögðu fylgjendur hennar of viðkvæma.

Bell og Shepard, 50 ára, giftu sig í október 2013. Þau eiga dæturnar Lincoln, 12 ára, og Delta, 10 ára.