Rio Ferdinand hefur lýst yfir áhyggjum sínum af einum leikmanni Manchester United, aðeins nokkrum viku eftir komu hans til félagsins í sumar.
Lið Ruben Amorim hefur átt erfitt uppdráttar í byrjun tímabilsins og þurfti að bíða fram í þriðju umferð í ensku úrvalsdeildinni eftir fyrsta sigri tímabilsins
Eftir landsleikjahlé tókst ekki að byggja ofan á þann sigur og tapaði liðið 3-0 gegn nágrönnunum í Manchester City í leik sem skorti alla baráttu og hugmyndaflug.
Manchester United goðsögnin Rio Ferdinand sagði í hlaðvarpsþættinum sínum að hann hefði sérstakar áhyggjur af einum nýliða, framherjanum Benjamin Sesko.
„Sá sem ég hef áhyggjur af er Sesko,“ sagði Ferdinand. „Hann fær engin færi, ekkert er skapað fyrir hann.“
„Það er áhyggjuefni. Þegar nýr sóknarmaður kemur til félagsins, þá verður liðið að hugsa um að skapa tækifæri fyrir hann. Hann þarf að komast í stöður þar sem hann getur klárað.“
„Það þarf að laga þetta og það strax. Ég vil ekki hugsa til þess hvernig þetta gæti þróast.“
Ferdinand bætti við að þó United hafi tapað áður fyrir City, þá hafi eitthvað við frammistöðuna um helgina verið sérstaklega slæmt.
„Maður brotnar saman að horfa á United svona,“ sagði hann.
