Knattspyrnuheimurinn er í áfalli eftir að Diogo Jota og bróðir hans létust í hræðilegu bílslysi á Spáni í nótt. Jota var 28 ára gamall og bróir hans Andre tveimur árum yngri.
„Þetta er ekki raunverulegt, við vorum saman í landsliðinu, þú varst að gifta þig. Til fjölskyldu þinnar, eiginkonu og banra sendi ég mínar dýpstu samúðarkveðjur,“ skrifar Cristiano Ronaldo um samlanda sinn.
Segja má að lífið hafi aldrei verið eins gott og undanfarið fyrir Jota, hann varð Englandsmeistari með Liverpool í vor, hann vann Þjóðadeildina með Portúgal í sumar og gifti sig svo fyrir tveimur vikum. Hann átti þrjú börn með eiginkonu sinni.
Jota hafði verið leikmaður Liverpool frá árinu 2020.
Hann var 28 ára gamall þegar hann lést en Jota gerði vel fyrir Liverpool og var í stóru hlutverki í landsliði Portúgals.
Knattspyrnuheimurinn syrgir nú þennan frábæra leikmann.
