Fiorentina er að ganga frá kaupum á Alberti Guðmundssyni. Þetta segir ítalski blaðamaðurinn Gianluca Di Marzio.
Albert, sem er 28 ára gamall, var á láni hjá Fiorentina frá Genoa á síðustu leiktíð og fylgdi kaupréttur fyrir félagið, sem það hyggst nú nýta sér.
Di Marzio segir að upphæðin verði þó lægri en upphaflega hafi verið samið um. Greiðir Fiorentina 13 milljónir evra í stað 19.
Albert náði ekki að alveg að sýna sínar bestu hliðar á síðustu leiktíð, en spiluðu meiðsli þar sinn þátt. Í heildina spilaði Albert 33 leiki, skoraði í þeim átta mörk og lagði upp þrjú.
Íslenski landsliðsmaðurinn hefur þó heldur betur sýnt hvers hann er megnugur með Genoa í ítalska boltanum og Fiorentina er nú að kaupa hann.
Uppfært 12:26 – Fleiri ítalskir miðlar, til að mynda Sky Sport, segja Fiorentina sömuleiðis vera að kaupa Albert.
