Trent Alexander-Arnold var í gær formlega kynntur sem leikmaður Real Madrid, gekkst hann undir læknisskoðun áður en skrifað var undir allt.
Trent er á leið til Bandaríkjanna með Real Madrid þar sem félagið tekur þátt í HM félagsliða.
Bakvörðurinn mun vera með nafnið Trent aftan á treyju sinni en hjá Liverpool var hann með Alexander-Arnold.
„Þegar ég ferðast um Evrópu verður oft ruglingur með nafnið mitt,“ segir Trent.
„Ég er kallaður Arnold, Alexander, Alex eða Trent.“
„Ég ákvað að einfalda þetta og verð bara Trent, Trent er nafnið mitt og fólk mun nota það þegar það talar um mig.“
