Þorsteinn Már Ragnarsson skoraði eina mark leiksins í úrslitaleik Fótbolta.net mótsins.
Stjarnan mætti Grindavík í úrslitum í dag en leikið var í Kórnum.
Þorsteinn skoraði eina mark leiksins í fyrri hálfleik en hann kom til félagsins í vetur frá Víkingi Ólafsvík.
Jósef Kristinn Jósefsson bakvörður Stjörnunnar fékk að líta rauða spjaldið í síðari hálfleik gegn sínum gömlu félögum.
Þessu æfingamóti er því lokið og nú styttist í að Lengjubikarinn fari að rúlla.
