Næsta mánudag, 25. maí mætast Breiðablik og FH í Bestu deild kvenna í sérstökum styrktarleik til stuðnings Minningarsjóð Bryndísar Klöru.
Við hvetjum alla Kópavogsbúa, Blika, FH-inga og landsmenn alla til að fjölmenna á Kópavogsvöll og taka þátt í að efla kærleikann rétt eins og fjölskylda Bryndísar hefur gert af einstöku æðruleysi og styrk.
Bryndís Klara Birgisdóttir var 17 ára gömul þegar hún særðist lífshættulega í hnífstunguárás á Menningarnótt árið 2024, þann 24. ágúst. Hún lést sex dögum síðar, þann 30. ágúst.
Hún spilaði ung að árum fótbolta með Breiðablik og nú heldur félagið styrktarleik fyrir minningarsjóð hennar.
