Það var baulað á Kylian Mbappe af stuðningsmönnum Real Madrid þegar hann sneri aftur úr meiðslum í 2-0 sigri á Real Oviedo.

Franski framherjinn kom inn á sem varamaður á 69. mínútu og lagði síðar upp mark fyrir Jude Bellingham, en athyglin beindist helst að viðbrögðum stuðningsmanna á Santiago Bernabeu.

Mbappe sagðist skilja gagnrýnina eftir leikinn.

„Þegar lið vinnur ekki velja stuðningsmenn oft leikmenn til að baula á. Það gerist hjá öllum félögum,“ sagði Mbappe.

Einnig var óánægja meðal stuðningsmanna með forseta félagsins, Florentino Perez. Öryggisverðir fjarlægðu mótmælaborða gegn honum á leiknum og Perez sást síðar í orðaskaki við stuðningsmenn í stúkunni.

Það hefur verið hiti í kringum Real Madrid undanfarið, bæði vegna gengisins á tímabilinu og vegna slagsmála milli liðsfélaganna Aurelien Tchouameni og Federico Valverde á dögunum.