Bruno Fernandes, fyrirliði Manchester United, segist hafa verið svekktur þegar Declan Rice valdi Arsenal fram yfir United á sínum tíma.
Fernandes hrósaði enska miðjumanninum í hástert og sagði að hann hefði verið fullkominn fyrir sitt lið.
„Ég hef alltaf sagt að Rice væri leikmaður sem ætti að spila fyrir Manchester United. Ég var mjög svekktur þegar hann valdi Arsenal,“ sagði Fernandes.
Rice hefur verið einn allra besti leikmaður Arsenal síðan hann kom frá West Ham árið 2023. Gæti hann staðið uppi sem Englands- og Evrópumeistari í vor.
