Aðalstjórn FH hefur farið þess á leit við Hafnarfjarðarbæ að þeir kaupi af þeim búningahús Skessunnar, sem er knatthöll félagsins.

FH byggði þá höll en Hafnarfjarðabær hefur keypt mannvirkið og rekur það í dag. FH-ingar vilja nú selja þeim búningsklefana einnig.

Segir í bréfi FH til bæjarins að byggingin sé í dag byrði fjárhagslega fyrir félagið.  Segir í bréfinu að bærinn hafi iðulega byggt svona aðstöðu með íþróttahúsum og því sé eðlilegt að bærinn kaupi af þeim húsnæðið.

„Óskað er eftir því að kaupverð eignarinnar verði kr 270.810.000,“ segir í bréfi FH til félagsins.

Það er Viðar Halldórsson formaður aðalstjórnar félagsins sem endir bréfið á þá sem stýra bænum í dag en kosið verður til sveitastjórnar á morgun.