Helgi Fannar og Hörður Snævar gerðu upp þriðju umferð Bestu deildar karla í Íþróttavikunni.
ÍBV steinlá fyrir KR á dögunum, 2-6, en liðið lenti 0-6 undir áður en Vesturbæingar slökuðu aðeins á.
„Það er í raun til skammar hvernig ÍBV mætir til leiks í þennan leik,“ sagði Helgi, áður en Hörður tók til máls.
„Það er hægt að tala um þennan leik á tvo vegu. KR voru góðir, en þetta var ekki það besta sem ég hef séð frá þeim.
Þetta eru slökustu 45 mínútur sem ég hef séð frá liði í efstu deild (ÍBV). Þetta var andlaust, illa skipulagt. Þeir hafa sennilega vitað það fyrir leik á móti þessu KR-liði að varnarleikurinn yrði að vera upp á 11. En menn voru algjörlega úti á túni.“
Þátturinn er í spilaranum.
