Argentínski varnarmaðurinn Emiliano Endrizzi var handtekinn eftir að hafa að verið með sprengjuhótanir um borð í flugi liðs síns Gimnasia y Esgrima de Jujuy.
Atvikið átti sér stað þegar liðið var á leið til Buenos Aires fyrir leik gegn Agropecuario. Flugvélin var rýmd og sprengjusérfræðingar kallaðir til, sem olli röskun á flugumferð og seinkunum fyrir yfir 1.200 farþega.
AMENAZA DE BOMBA en avión de @flybondioficial aeropuerto de Jujuy. Si hay foto hay video. Este hombre no debería viajar más en avión. Jugador de Gimnasia y Esgrima de Jujuy @ANACargentina @clarincom @ElTribunoJujuy @jotaleonetti @juan_amorin @jairostraccia @Julyrumi @Cronica_ok pic.twitter.com/fuRdVZap0v
— Diego Dominelli (@diego_domi) April 11, 2026
Samkvæmt fréttum er Endrizzi sagður hafa hrópað „sprengja“ áður en vélin átti að taka á loft, og vitni segja að hann hafi einnig fullyrt að farþegar myndu springa.
Flugfélagið Flybondi hefur fordæmt atvikið og segir að öryggisferlar hafi verið virkjaðir tafarlaust, á meðan lögregla tók við rannsókn málsins.
Forráðamenn Gimnasia y Esgrima de Jujuy segja að verið sé að meta stöðuna og að hugsanlegt sé að samningi leikmannsins verði rift.
Endrizzi, sem hefur leikið yfir 300 leiki á ferlinum, er nú í haldi lögreglu og framtíð hans á knattspyrnuvellinum í mikilli óvissu.
