Manchester City er í viðræðum við Joško Gvardiol um nýjan langtímasamning, þrátt fyrir að varnarmaðurinn sé enn frá vegna meiðsla.

Króatinn hefur verið frá keppni síðan í janúar eftir að hafa brotnað á sköflungi og farið í aðgerð, en forráðamenn City vilja engu að síður tryggja framtíð hans hjá félaginu.

Gvardiol hefur verið lykilmaður í liði City síðan hann kom frá RB Leipzig árið 2023 og hefur leikið 120 leiki í öllum keppnum, skorað 13 mörk og lagt upp tíu.

Hinn 24 ára gamli varnarmaður er þekktur fyrir fjölhæfni sína, en hann getur bæði leikið sem miðvörður og vinstri bakvörður, auk þess sem hann er hættulegur í sóknarleik.

City vill framlengja samning hans umfram núverandi samning sem rennur út árið 2028 og bæta kjör hans. Þetta kemur í kjölfar þess að Phil Foden skrifaði undir nýjan samning við félagið fyrr í vikunni.