Það hryggir Declan Rice, stjörnu Arsenal, að sjá stöðuna á West Ham um þessar mundir. Liðin mætast um næstu helgi.

Rice kom til Arsenal frá West Ham árið 2023 á 105 milljónir punda og hefur verið stórkostlegur síðan. Liðið er nú í bílstjórasætinu um enska meistaratitilinn þegar þrír leikir eru eftir.

„Þetta er félag sem gaf mér allt. Án West Ham væri ég ekkert. Þeir gáfu mér tækifæri þegar Chelsea gerði það ekki,“ sagði Rice um West Ham fyrir komandi leik.

„Moyes, Bilic og Pellegrini gerðu mig að fyrirliða. Ég á margar góðar minningar frá þessu félagi.“

West Ham er í fallsæti og þarf helst að ná í úrslit gegn Arsenal.

„Það er ekki gott að sjá stöðuna sem þeir eru í, en þetta er fótbolti og við ætlum okkur að vinna. Við erum að reyna að vinna úrvalsdeildina.

Megið besta liðið vinna,“ sagði Rice að lokum um málið.

West Ham er tveimur stigum á eftir Tottenham, sem er í síðasta örugga sætinu, þegar bæði lið eiga þrjá leiki eftir.